Crystal
我現時在加拿大讀 high school，喜歡戶外活動，平時鐘意踩單車、打羽毛球、網球同滑雪。在學校曾學過一些海洋生物知識，今次放暑假返香港，我參加了初級潛水班，在課堂裡學習潛水知識，跟住去泳池實習水底技術。
第一次落水有少少驚，但好快適應咗，在泳池完成實習後，出海好好玩。第一次在海裏見到咁多魚及珊瑚，覺得好開心好興奮，我希望快D完成並考埋高級潛水員牌先返加拿大。自從學了潛水後同媽咪多咗好多話題，原來以前媽咪已經考了潛水牌，仲應承以後會陪我一齊潛水。
Fanny 鄧
我於80年代與丈夫在香港考潛水員証書，其後移民加拿大，生了女兒 Crysta l後太忙便停了一段時間，由於加拿大本土潛水比較凍及價錢幾貴，所以做了雪藏潛水員。今年暑假返香港，女兒話想學潛水，我陪她報名，我自己就參加咗泳池重溫課程，因為太耐無落水，好多嘢唔記得。參加完泳池重溫，阿女出海時我做跟得媽咪，我陪她去Fun dive。香港的海底環境比起80年代我學的時侯更好，我出海當日水好清，又見到好多魚及珊瑚，真係估唔到！
我覺得 Crystal 學潛水可以訓練她的專注力，她平時有時幾反叛，但潛水可訓練她守紀律、遵從指示及專心學習，總好過成日掛住玩遊戲機。Crystal 平時都幾多課外活動，例如在加拿大滑雪、踩單車等，但我怕會受傷及太刺激,無跟佢玩。但潛水令我有機會可以同佢一齊玩，又唔係鬥快，刺激之餘又唔會太辛 苦。丈夫工作忙碌，我一個人提不起興趣潛水，而家女兒考咗牌，我可以同佢旅行潛水，增加咗好多溝通機會，係一個相當好的親子活動。
|